වාහන භාවිතය

1. වාහනය ගෙදර ගරාජ් එකේ ස්තිරව නවත්තලා තියෙනකොට හෑන්ඩ් බ්‍රේක් ඇදල තියන්න එපා. ඔටෝ එකකනම් P එකේ හෝ මැනුවල් එකක් නම් ෆස්ට් එකේ තියන්න. පරන වාහන වල බ්‍රේක් බදනවා... කෝපි බීලා ටොයිලට් ගියා වගේ තමා

2. වාහනේ කවදාවත් කවරෙකින් වහන්න එපා. ඕවට උන හෙම්බිරිස්සාව හැදෙන්නේ නෑ පොරවන්න. කවරෙකින් වැහුවහම ඒක පේන්ට් එකට ටච් වෙලා වෙන හානිය වැස්සට තෙමෙනවට වඩා වැඩී

3. ලංකාවේ මේ කාලේ වහින්නේ ඉතිහාසේ වැස්සටත් වඩා දාරානිපාත වැහි. වාහන තද වැස්සේ දාවනය හැකිතාක් අවම කරන්න

4. වයිපර් බ්ලේඩ් කොප්පරා කෑලි වගේ වෙනකම් ඉන්නේ නැතුව අතගාලා බලලා කලු පාට කුඩු කැඩෙනවනම් මාරු කරල දාන්න. වීදුරුව පරිස්සම් වෙනවා.

5. නිතරම වයිපර් බ්ලේඩ් පිරිසිදු කරන්න. එක දිගට නවත්තලා තියෙනවනම් වයිපර් උස්සලා තියන්න

6. අව්වේ නවත්තනකොට වීදුරු සෙන්ටිමීටර භාගයක් විතර බාන්න. එකක් දෙකක් ඇරියහම ඇති. නැත්නම් එනකොට වාහනේ නැතිව තියෙයි

7. ඔය අලුත් කාර් වල තියෙන බල්බ් සේරම ගලවලා විසිකරල LED දාපල්ලා. ගානත් අඩුයි කල් පැවැත්මත් හොදයි බැටරියටත් හොදයි

8. අලුත් කාර් වල බෆර් වල පොඩි සීරීමක් උනාම පිස්සුවෙන් වගේ ගිහින් පේන්ට් කරන්නනම් එපා. පොටි අදිනවා කියන්නේ ඒ බෆර් එක එතනින් ඉවරයි. ආයේ යන්තම් හෙලවුනත් පුපුරු ගහනවා. ඒ නිසා බෆර් වගේ ඒවා පොටි ඇදලා පේන්ට් කරද්දි කරන්න ඕනෙමද කියලා දෙපාරක් හිතන්න

9. SUV හැර අනෙක් කාර් කැඩිච්ච පාරවල් වල දාද්දිනම් හොදට හිතපල්ලා. ඔය ඇලියොන් ප්‍රෙමියෝ ගල් ගොඩක ගියත් සැප උනාට මුලු කාර් එකම ඉවරයි

10. පෙට්‍රල් ගහද්දි ෆුල් ටෑන්ක් ගහලා 1/4 අඩු වෙද්දි ආයේ ගහන්න පුරුදු වෙන්න. අලුත් ඒවගේ පෙට්‍රල් පම්ප් එහෙම ගිල්ලලා තියෙන්නේ. ඒ නැතත් ෆුල් ටෑන්ක් ටු ෆුල් ටෑන්ක් ගහද්දි වාසි ගොඩයි

11.1 ලක්ශෙන් විතර බ්‍රේක් ලයිනර් / ශූස් දාන වෙලාවක ඒවා ඔබල නිකන් ඉන්නේ නැතුව ඩ්‍රම් ඩිස්ක් පේස්ට් කරන්න. අනිවාරෙන් මේක කරන්න ඕනේ. ඒ ගමන්ම බ්‍රේක් සිලින්ඩර් සේරම හොදට බලන්න ලාවට ලීක් එහෙම තියෙනවද කියල.

11.2 වාහනවල බ්‍රේක් සිලින්ඩරෙන් හුලන් යවද්දි බාස්ලා ඔටුවෝ වගේ නිපල් එකට යතුර තියල නිකන් කරකවනවනම් ගනිල්ලා වීල් බ්‍රස් එක අතට. අනිවාරෙන් නිපල් එකට රබර් බට කෑල්ලක් ගහලා කරන්න කියන්න. ඇලෝවීල්වල බ්‍රේක් ඔයිල් විසිවෙන ඒවා රැදිල තිබොල වැටුනොත් ඉවරයි

12. අබ ගස් යට නවත්තන්න එපා. වව්ලෝ ඉන්න ගස් යට නවත්තන්න එපා. කුරුල්ලෝ ජරා කරන තැන්වල නවත්තන්න එපා. මගේ එකේ බොනට් එක උඩ තියෙනවා කුරුල්ලෙක් ජරාකරපු පාරක්. රබින් කම්පවුන්ඩ් වලින් කපලත් ගියේ නෑ

13. කාර් එක නිතරම යට වදිනවනම් බේරන්නම බැරිනම් ස්පේසර් හතරක් දාපල්ලා.

14. රේඩියේටරේ කාලයක් යද්දි ගලවලා ෆ්ලශ් කරලා දාපල්ලා

15.ෆියුස් ගිහාම එහෙම බොරුවට සේරම ගලව ගලව බලලා සොකට් බුරුල් කරගන්න එපා. පෙට්ටියේ කවරෙන් බලලා අදාල ෆියුස් එක විතරක් ගලවලා දාන්න

16. පිරිමියෙක් නම් රැචට් ටිකක්, සොකට් ටිකක්, අඩු මිටි ටිකක් ලග තියාගනිල්ලා. මාර ආතල් එකක් තියෙන්නේ යකඩ ගොඩක් අතගාද්දි.ඒකට ඉතින් ආසාවත් ඕනේ.

17. සර්විස් එකටම රින්ගන්න එපා වාහනේ හෝදන්න, බූමිතෙල් දාලා අතුල්ලලා හයිප්‍රෙශර් ගහනවා කියන්නේ පේන්ට් එක ඉවරයි. කාචර් හරි බ්ලැක් ඇන්ඩ් ඩෙකර් හරි ප්‍රෙශර් ගන් එකක් අරන් ගෙදර වැඩකරන එකාට කියල හෝදන්න, එහෙම කෙනෙක් නැත්නම් තමන් හෝදගන්න

18. විශේශෙන්ම - ඇන්ජිම කියන්නේ ඇන්ජිම. ඕක හෝදන්න සුද්ද කරන්න යන්න එපා. ඔයිල් ග්‍රීස් දූවිලි තිබුනාවේ. ඒවා තියෙද්දි දුවන්න, සුද්ද කරන්න එපා

රියදුරු බලපත්‍රය ලබාගැනීම

නව ස්මාර්ට් කාඩ් රියදුරු බලපත්‍රය ලබා ගැනීම සඳහා උපදෙස්.මෙම රියදුරු බලපත්‍රය ක්‍රම දෙකකට නිකුත්කෙරේ.

පළමු ක්‍රමය - වේරහැර බලපත්‍ර නිකුත් කරන ප්‍රධාන කර්යාලයේදී හා කුරුණෑගල දිස්ත්‍රික් කාර්යාලයේදී මාර්ගගත (ONLINE) ක්‍රමය
දෙවන ක්‍රමය - අනෙකුත් දිස්ත්‍රික් කාර්යාල වලදී මාර්ග අපගත (OFFLINE) ක්‍රමය
පොදු අවශ්‍යතා

අඳුම්කරු පෞද්ගලිකවම පැමිණිය යුතුය.
ජාතික හැඳුනුම්පත හෝ ජාතික හැඳුනුම්පතේ අංකය සහිත වලංගු විදේශ ගමන් බලපත්‍රය රැගෙන ආ යුතුය.
මාර්ග ගත ක්‍රමය භාවිතා වන කාර්යාල වලින් සේවය ලබා ගැනීමේදී ජායාරෑප රැගෙන එම අවශ්‍ය නොවන අතර පරිඝණක ක්‍රියාවලියේදී අදාල ජායාරෑප ලබා ගනු ලැබේ.මාර්ග අපගත ක්‍රමය භාවිතා වන කාර්යාල සඳහා පාස්පෝට් ප්‍රමාණයේ ලා පැහැති පසුබිම සහිත කළු සුදු ජායාරෑප දෙකක් අවශ්‍ය වේ.
ප්‍රථම වරට රියදුරු බලපත්‍රයක් ලබාගැනීමේදී උප්පැන්න සහතිකයේ මුල් පිටපත ඉදිරිපත් කල යුතුය.
1 සැහැල්ලු වාහන සඳහා නව රියදුරු බලපත්‍රයක් ලබා ගැනීම

වයස අවු:17 සම්පුර්ණ වී ඇත්නම් ලියාපදිංචි වී ලිඛිත පරීක්ෂණය සඳහා ඉදිරිපත් විය හැකිය.
ලිඛිත පරිෂණයයෙන් සමත් වුවහොත් උපරිම මාස 18 දක්වා පුහුණුවන්නන්ගේ අවසර පත්‍රයක් නිකුත් කරනු ලැබේ.
එම අවසර පත්‍රය දරන්නෙකුට රිය පැදවීමට පුහුණු විය හැක.
ප්‍රයෝගික පරීක්ෂණයට පෙනී සිටීමට වයස අවු:18 සම්පුර්ණ විය යුතු අතර පුහුණුවන්නන්ගේ අවසර පත්‍රය ලබා අවම වශයෙන් මාස 3 ක් සම්පුර්ණ වී තිබිය යුතුය.
ප්‍රයෝගික පරීක්ෂණයට ඉදිරිපත් වී ඉන් සමත් විය යුතුය.
ශ්‍රි ලංකා වෛද්‍ය සභාවේ ලියාපදිංචි වෛද්‍ය‍වරයෙකුගෙන් එම්.ටී.ඒ. 31 ඒ ආකෘතියේ මාස 6 කට නොවැඩි කාලයකදී ලබාගත් යෝග්‍යතා වෛද්‍ය සහතිකය.
2 බර වාහන සඳහා රියදුරු බලපත්‍රය දීර්ඝ කරගැනීම

අයදුම් කරන දිනට ‍අවම වශයෙන් වසර 2 කට ප්‍රථම සැහැල්ලු වාහන (B සහ B1 වාහන පන්ති පමණි) බලපත්‍රයක් දරන්නෙකු විය යුතුය.
සැහැල්ලු මෝටර් බස් හා මෝටර් ලොරි කාණ්ඩයක් ලබාගැනිම සඳහා අවම වශයෙන් උස අඩි 4 අඟල් 10 විය යුතුය.මෝටර් බස් හා මෝටර් ලොරි කාණ්ඩය ලබාගැනීම සඳහා අවම උස අඩි 5 ක් තිබිය යුතුය.
වයස අවු:20 සම්පුර්ණ වී ඇත්නම් ලියාපදිංචි වී ලිඛිත පරීක්ෂණය සඳහා ඉදිරිපත් විය හැක.
ලිඛිත පරීක්ෂණයෙන් සමත් වුවහොත් උපරිම මාස 18 ක් දක්වා පුහුණුවන්නන්ගේ අවසර පත්‍රයක් නිකුත් කරනු ලැබේ.
එම අවසර පත්‍රය දරන්නෙකුට රිය පැදවීමට පුහුණු විය හැකිය.
ප්‍රයෝගික පරීක්ෂණයට ඉදිරිපත් වීමට වයස අවු : 21 සම්පුර්ණ විය යුතු අතර පුහුණුවන්නන්ගේ අවසර පත්‍රය ලබා අවම වශයෙන් මාස 3 ක් සම්පුර්ණ වී තිබිය යුතුය.
ප්‍රයෝගික පරීක්ෂණයට ඉදිරිපත් වී ඉන් සමත් විය යුතුය.
ජාතික ප්‍රවාහන වෛද්‍ය ආයතනයෙන් මාස 6 කට නොවැඩි කාලයකදී ලබාගත් යෝග්‍යතා වෛද්‍ය සහතිකය.

රියදුරු බලපත්‍රයට නව වාහන පන්තියක් අතුලත් කර ගැනීම

දැනට අයදුම්කරු සතු රියදුරු බලපත්‍රය
අමතර සැහැල්ලු වාහන පන්තියක් ඇතුලත් කර ගැනීමේදී ලිඛිත පරීක්ෂණයට ඉදිරිපත් වීමේ අවශ්‍යතාවයෙන් නිදහස් වන අතර සැහැල්ලු වාහන බලපත්‍රයක් දරන්නෙකු බර වාහන පන්තිවක් ඇතුලත් කරගැනීමේදී ලිඛිත පරීක්ෂනයට ඉදිරිපත් විය යුතුය.
අමතර සැහැල්ලු වාහන පන්තියක් ඇතුලත් කර ගැනීමේදී ඉහත අංක 01 ‍කොටසේ දැක්වෙන අවශ්‍යතා ද බර වාහන පන්තියක් ඇතුලත් කරගැනීමේදී අංක 02 කොටසේ දැක්වෙන අවශ්‍යතාද ඉ‍ටුකල යුතුය.
පුහුණුවන්නන්ගේ අවසර පත්‍රය ලබා අවම වශයෙන් මාස 03 ගතවිය යුතු අතර ප්‍රයෝගික පරීක්ෂණයෙන් සමත් විය යුතුය.

ගාස්තු හා අයභාර
සේවාව
නව රියදුරු බලපත්‍රය - එක් වාහන පන්තියක් 1700.00
නව රියදුරු බලපත්‍රය - වහන පන්ති 02 ක් 2000.00
නව රියදුරු බලපත්‍රය - වාහන පන්ති 03 ක් හෝ ඊට වැඩි 2250.00
ලිඛිත විභාගය නැවත ඉල්ලුම් කිරීම 250.00
ප්‍රයෝගික පරීක්ෂණය නැවත ඉල්ලුම් කිරීම 500.00
රියදුරු බලපත්‍රයේ වලංගු කාලය දීර්ඝ කිරීම ප්‍රමාද කිරීම 1 වසරක් සඳහා දඩය 250.00
රියදුරු බලපත්‍රයට නව වාහන පන්තියක් අළුතින් ඇතුලත් කිරීම 1700.00
රියදුරු බලපත්‍රයට නව වාහන පන්ති 02 ක් ඇතුලත් කිරීම 2000.00
රියදුරු බලපත්‍රයට නව වාහන පන්ති 02 ක් ඇතුලත් කිරීම 2250.00
රියදුරු බලපත්‍රයේ පෞද්ගලික තොරතුරු වෙනස් කිරීම 250.00
රියදුරු බලපත්‍රයේ උධෘතයක්(විස්තර සටහනක්) ලබා ගැනීම 500.00
පැරණි ක්‍රමය යටතේ නිකුත් කර ඇති රියදුරු බලපත්‍රයක් නව ක්‍රමයට පරිවර්ථනය කිරීම 1700.00
විදේශ රියදුරු බලපත්‍රයක් මත දේශිය රියදුරු බලපත්‍රයක් නිකුත් කිරීම (ශ්‍රී ලාංකිකයෙකු සඳහා) 2500.00
විදේශිය තානාපති සේවයේ නිලධාරියෙකු සඳහා 1700.00
විදේශි රියදුරු බලපත්‍රයක් මත දේශිය රියදුරු බලපත්‍රයක් නිකුත් කිරීම(විදේශිකයෙකු සඳහා) 10000.00
විදේශ රියදුරු බලපත්‍රයක් මත තාවකාලික දේශිය රියදුරු බලපත්‍රයක් නිකුත් කිරීම එක් මාසයක් සදහා (විදේශිකයෙකු සඳහා) 1000.00
විදේශිකයෙකු සඳහා නව රියදුරු බලපත්‍රයක් නිකුත් කිරීම 15000.00
එක් දින සේවාව සඳහා අමතර ගාස්තුව 500.00



© මෝටර් රථ ප්‍රවාහන දෙපාර්තමේන්තුව
අංක 341, ඇල්විටිගල මාවත, නාරාහේන්පිට, කොළඹ 05
දුරකතන : 011-2694331/2694332/2694333 | ඊමේල් : info@motortraffic.gov.lk

රියදුරු ලකුණු 24

රියදුරු ලකුණු 24 කිව්වාම කට්ටිය බලනවා වෙන්න ඇති මේ මොකක් ද කියලා..

මේ රියදුරු ලකුණු 24 ගැන අපි හරියට දැන හදුනාගෙන ඉන්න ඕනේ පාරේ ගමන් කරද්දි.. 

විශේෂයෙන් වාහනයක උරුම කම් තියෙන ඕනෑම කෙනෙක් මේ ගැන දැනුවත් වේලා ඉන්න ඕනේ කියන එක අමුතුවෙන් කියන්න දෙයක් නෑ...

තමන්ට වාහනයක් තිබ්බේ නැති වුනත් තමන් රියදුරු වෘත්තිය කරන කෙනෙක් නම් මේ ගැන දැනුවත් ව තියෙන්න ඕනේ.. 

නැත්නම් අපි නිකන් ම එක එක පොලිස් කාරයන්ගේ බොරු චෝදනාවලට ලක් වෙන්න තියෙන ඉඩ අවස්ථා වැඩි...

හරි අපි දැන් බලමු මොකක් ද මේ රියදුරු ලකුණු 24 කතාව මොකක් ද කියලා..

1. අනතුරක් වලක්වා ගන්න බැරි වුනා නම්. ~ ලකුණු 06 
2. අනතුරු දායක ලෙස වේගයෙන් රිය පැදවිමට ~ ලකුණු 08 
3. වාහන නොසලකා රිය පැදවිම ~ ලකුණු 08
4. අනතුරු සිදු කර පලා ගියොත් ~ ලකුණු 10
5. වේග සීම ඉක්මවා ගියොත් ~ ලකුණු 06 
6. හරි මං තීරුවේ නොගියොත් ~ ලකුණු 02 
7. ඉදිරිය පැහැදිලි නැතිව ඉස්සර කළොත් ~ ලකුණු 06 
8. වැරදි පැත්තෙන් ඉස්සර කළොත් ~ ලකුණු 04
9. දකුණේ නීතිය පිළිනොපැද්දොත්~ ලකුණු 04
10. දිර්ඝ දුරක් වාහනය පිටු පසට ගියොත්~ ලකුණු 04
11. සිග්නල් ලයිට් නොසලකා හැරියොත් ~ ලකුණු 06
12. නලා හඩ (හොන් එකේ ශබ්දය ) වැඩි නම් ~ ලකුණු 06
13. එන්ජිමෙන් ඕනෑවට වැඩිය ශබ්දයක් ආවා නම් ~ ලකුණු 06
14. වාහනය ඇතුලේ අධික ලෙස ශබ්දය (සිංදු ඇසිම) වැඩි නම් ~ ලකුණු 06
15. ආසන පටි දැම්මේ නැත්නම් ~ ලකුණු 03
16. නීතිය නොසලකා ඉස්සර කලොත් ~ ලකුණු 04
17. කහ ඉරට කලින් නැවැත්තුවේ නැත්නම් ~ ලකුණු 06
18. මෝටර් බයිසිකලයේ දෙන්නෙකුට වැඩිය ගියා නම් ~ ලකුණු 04
19. මෝටර් බයිසිකලයේ හෙල්මට් නොදා ගියා නම් ~ ලකුණු 04
20. රිය පදවන අතර තුරේදි ජංගම දුරකතනය පාවිච්චි කලොත් ~ ලකුණු 04

මේ වගේ වැරදි කරන කොට ලැබෙන ලකුණු ගණන 24 ක් එකතු වුනා නම්..

අවුරුද්දකට ඒ රියදුරු බලපත්‍රය තාවකාලිකව අත් හිටුවනවා..

උදාහරණයකට දැන් ලකුණු 15 ක් ගත්ත කෙනෙක් හිටියා නම්..

ඊලග අවුරුද්දේදී වරදක් නොකර ලකුණු නොලබා හිටියා නම් ඒ ලකුණු 15 න් ලකුණු 6 ක් අඩු වෙනවා.

ඒ වගේම තව දුරටත් ලබන අවුරුද්දේදි ලකුණු නොලබා සිටියා නම් ලබාගෙන තියෙන සියළුම ලකුණු නැති වී යනවා ලූ.. 

හැබැයි මෙහෙම දෙයක් තියෙනවා.. මේ ලකුණු ක්‍රියාත්මක කරනවා කියලා දඩ මුදල් ගෙවන එක නම් නතර වෙන්නේ නෑල්ලු ..

බුදු හිමියන්ගේ දෙතිස් මහා පුරුෂ ලක්ෂණ

බුද්ධාදී උතුමෝ මහා පුරුෂයෝ වෙති.එබඳු පුරුෂයන්ගේ ශරීර වල පිහිටන ලක්ෂණ මහා පුරුෂ ලක්ෂණයි. බුදු රජාණන්වහන්සේගේ පිහිටන ලක්ෂණ ගනනින් 32කි.ඒවා දෙතිස් මහා පුරුෂ ලක්ෂණ නමින් හදුන්වයි. එම දෙතිස සහ ඒවා ඇති වීමට හේතු පහත දැක්වේ.

01. සුප්පතිට්ධර්ත පාදතා

මනාව පිහිටි පා යුවලක් ඇති බවයි. බුදු සිරිපා ස්වර්ණ පාදුකාවක් සේ සිදුරු රහිතව පිහිටියේය. එම සිරි පතුල පොලවෙහි තබන කල එක වරම ස්පර්ශ වේ. උඩට ඔසවන කල එකවරම එසවේ. මෙම ලක්ෂණ ඇති අය අනුන් විසින් නොමැඩිය හැකි අය වෙති.

02. චක්ඛ ලක්ඛණතා

චක්‍ර ලක්ෂණ පිහිටි අය බවය. බුදු සිරිපා තලය මනා සේ බෙදී පිහිටි රථ චක්‍ර (රෝද)ලක්ෂණ වලින් යුක්තය. මෙම ලක්ෂණය පිහිටියේ මහා පිරිස් ඇත්තෙක් වෙයි. පෙර භවයන්හීදී පරාර්ථ චර්යාවෙහි යෙදුනු බැවින් හා අනුන්ගේ බිය තැතිගැනීම් දුරු කොට ආරක්ෂා සංවිධාන ඇති කල බැවින්ද පිරිවර සහිතව දන් දුන් බැවින්ද මෙම ලක්ෂණය පිහිටියේය.

03. අයාත පණ්හිතා

දිග් වූ විලුම් ඇති බවය. බුදු සිරිපතුල කොටස් 4කට බෙදේ.දෙකොටසක් ඉදිරි අක්පතුලයි.තෙවන කොටස පාදය පිහිටීමට ආධාර වෙයි. සතරවෙනි කොටස දිග් විලුඹයි.ප්‍රාණවධයෙන් තොර වී සියලු සතුන් වෙත හිතවත්ව අනුකම්පා සහගතව විසීමේ ප්‍රථීපලයක් ලෙස මෙම ලක්ෂණය පිහිටියේය.

04. දිඝංගූලිතා

දික් වූ ඇගිලි ඇති බවය. ක්‍රමයෙන් සිහින්ව එක සමව පිහිටීම මෙහි ලක්ෂණයයි. මෙම ලක්ෂණය ඇත්තේ සතුරන් විසින් නොමැ‍ඩෙන හැක්කේ වෙයි.

05. බ්‍රහ්මුජිජුගත්තා

බ්‍රහ්මයාගේ මෙන් සෟජු ශරීරයක් ඇති බවය. බුදු සිරුර සෟජුය.සෝබනය. මෙම ලක්ෂණය ඇත්තේ දීර්ඝායුෂ්ක වෙයි. සතුරන් විසින් නොමැඩිය හැකි වෙයි. තමන් විසින් හෝ අන්‍යයන් ලවා හෝ කිසිවෙකුටත් හින්සා පීඩා නොකිරීම නිසා මෙම ලකුණ පිහිටියේය.

06. සත්තුස්සදතා

සත් තැනක උස් බවයි.මාංශ බහුල වෙයි.දෙපිට ඇතුල් දෙපිට පතුල් පද උරහිස් කර යන සත් තැන උසින් පිහිටීමයි. මෙම ලක්ෂණය දරණ්නේ ප්‍රණීත ආහාර පාන ලබයි. පෙර ජාතීන්හීදී ප්‍රණීත දෑ දන්දුන් බැවින් මෙම ලක්ෂණය පිහිටියේය.

07. මුදු තථන හත්ථපදාතා
මෟදු වූද තරුණ වූද අත්පා ඇති බවයි. මෙම ලක්ෂණය ඇත්තේ ඉතා උසස් ලෙස මහජනයාගෙන් සංග්‍රහ ලබයි. දානය ප්‍රිය වචනය අර්ථ චර්යාව සමානාත්මතාවය යන සතර සංග්‍රහ වස්තුවෙන් මහජනයාට සංග්‍රහ කල බැවින් මෙම ලක්ෂණය පිහිටියේය.

08. ජාලහත්ථ පාද ලක්ඛණතා

දැල් කවුලුවකට බදු වූ අත්පා ඇති බවයි. බුදු රදුන්ගේ පයෙහි ඇගිලි පසද අතෙහි ඇගිලි සතරද සම ප්‍රමාණව පිහිටියේය. මෙම ලක්ෂණය ඇත්තෝ ලෝ වැසියන්ගෙන් බොහෝ සංග්‍රහ ලබයි.

09. උස්සංඛ පාදකා

බුදු රදුන්ගේ ඇස්වටය උස්ව පිහිටියේ සුවසේ පාද පරිවර්ථනය වේ. මෙම ලක්ෂණය දරන්නේ නම් ගිහි වී නම් කාම භෝගීන්ට ශ්‍රේෂ්ඨ වෙයි. පැවිදි වීනම් පැවිද්දන්ට ශ්‍රේෂ්ඨ වෙයි. පෙර භවයන්හිදී අර්ථවත් වචන කතා කිරීම දසකුසල ධර්මයන්හි මහජනයා පිහිටුවීම යන කුසල ධර්ම කල බැවින් මෙම ලක්ෂණය පිහිටියේය.

10. උද්ධස් ලෝ මාතා
රෝම කූපයන් කුංඩාලංකාරයෙන් දකුණට කැකැවී අක් උඩුකුරුව පිහිටීමයි. මෙම ලක්ෂණය දරන්නේනම් සියල්ලන්ටම ශ්‍රේෂ්ඨ වෙයි. අර්ථවත් ධර්ම නිශ්‍රීත වචන කතා කල බැවින් මෙය පිහිටියේය.

11. එණිජංගතා

එණිමෟර්ගයන්ගේ කොණ්ඩා මෙන් ක්‍රමයෙන් සිහින්ව මසින් වටවී සහයන්සේ පිහිටීමය. මෙම ලක්ෂණය දරන්නේ නම් ගිහි වූයේ නම් ගිහියන්ට උවමනා උපභෝග පරිභෝග සම්පත්ද පැවිදි වූයේ නම් ශ්‍රමණ පරිස්කාරද ලබන්නෙක් වෙයි. පෙර භවයන් හිදි ශිල්ප විද්‍යාව උගන්වා ලෝ වැස්සා සුචරිතයෙහි පිහිට වූ බැවින් මෙම ලක්ෂණය පිහිටියේය.

12. සුකූමච්ජිවිතා
ඉති සියුම් සිවිය ඇති බවයි.බුදු සිරුරෙහි රැලි ආදිය නොරැදෙයි. මෙම ලක්ෂණය දරන්නේ නම් ගිහි වූයේ නම් අන්‍යකාම භෝගීන් විසින් ලංවිය නොහැකි නුවණ ඇති වෙයි. බුදු වූයේ නම් මහා ප්‍රඥාවන්ත වෙයි. පෙර භවයන් හීදී මාත දර්පාදිය නොමැතිව කටයුතු නොකටයුතු විතාල බැවින් මෙම ලක්ෂණය පිහිටියේය.

13. සුවණ්ණා චණ්ණතා

ශරීරය රන් වන් පැහැයෙන් යුක්ත බවය.මෙය ඇත්තේනම් සුව පහසු වස්ත්‍ර ආදිය ලැබෙයි. පෙර භවයන්හිදී නොකිපෙනසුලුව අනුන් පරුෂ වචනයෙන් බනින කල නොසතුට පමණකුත් පල නොකල බැවින් මෙම ලක්ෂණය පිහිටියේය.
14. කොසොහිතවත්ථ ගුයිහතා

කෝෂය තුල සැගවුන පුරුෂ නිමිත්ත ඇති බවය. භේද බින්නව සිටි නෑදෑ මිතුරන් උනුනුත් සම්මුඛ කොට සමගි කොට සතුටු වූ බැවින් මෙම ලක්ෂණය පිහිටියේය.

15. නිගෝධ පරිමණ්ඩලතා
නුග ගසක් සේ උසට ගැලපෙන මහතින් යුක්ත සිරුරක් යුක්ත බවය. මෙය ඇත්තේනම් මහා ධනවතෙකු වෙයි. බුදුහු සප්තාර්ය ධනයෙන් ආඩ්‍ය වූහ. පෙර භවයන්හීදී සුදුස්සාට සුදුසු තැන තැබීම නිසා මෙම ලකුණ පිහිටියේය.

16. ආජානුලම්භිත හත්ථනා

සිටගෙන නොනැමී දණ මල පිරි මැදිය හැකි බවය. සුදුස්සාට සුදුසු තැන දී ඔවුන්නොවුන්ගේ තත්වයට ගැලපෙන පරිදි කටයුතු කල බැවින් මෙම ලක්ෂණය පිහිටියේය.

17. සිහප්පුබද්ධකායතා

සිංහයෙකුගේ පුර්වාර්ධ කය මෙන් සම්පූර්ණ වූ මුලු සිරුරක් ඇති බවයි. මෙම ලක්ෂණය ඇති වූයේ අනුන් ගුණයෙන් හා ධනයෙන් වර්ධණය වනු කැමති වූ බැවිනි.

18. චිත්තන්තරායතා

පිට මැද කාණුවක් සේ නොපිහිටා මස් පටලයකින් වැසී මනා සේ පිහිටි බවය. මෙම ලකුණ දරන්නේ ගිහියෙක් වී නම් නොපිරිහෙන සම්පත් ඇති මහා රජෙක් වේ. පැවිදි වූයේ නම් නොපිරිහෙන ගුණ සම්පත් ඇත්තෙක් වේ. මෙම ලක්ණය ඇති වූයේ අන්‍යයන් ධනයෙන් ගුණයෙන් වැඩෙනු කැමති වූ හෙයිනුත් ඉවසූ හෙයිනුත්ය.

19. සමවත්ථක්බන්ධතා

සම වූද වට වූද ග්‍රීවයක් ඇති බවයි.නහර නොපෙනේ. රන් කොලයක කරක් සේ සම වටව බෙල්ල පිහිටි බවය. මෙම ලක්ෂණය ඇත්තේනම් ගිහි වී නම් නොපිරිහෙන සම්පත් ඇත්තෙකු වෙයි. පැවිදි වූයේ නම් ගුණ සම්පන්න වෙයි.

20. රසග්ග සංගීතා

උතුම් රස නහර ඇති බවයි. තලැටක් පමණ දෙයක් වුව දිව තිබූ කෙනෙහි මුලු සිරුරෙහි ඔජස් පැතිරෙයි. මෙම ලක්ෂණය ඇත්තේනම් නිරෝගී වෙයි. පෙර භවයන්හීදි කැට කැබලිති ආදියෙන් සත්ව හින්සා නොකල බැවින් මෙම ලක්ෂණය පිහිටියේය.

21. අභිනීල නෙත්තතා

නිල්වන් නෙත් සගලක් ඇති බවය. මෙය ඇත්තේනම් බොහෝදෙනෙකුට ප්‍රියමනාප වෙයි. පෙර භවයන්හිදී ද්වේශයෙන් අනුන් වෙත රවා බැලීමක්වත් නොකට සෟජු සිතින් ප්‍රිය ඇසින් බැලූ හෙයින් මෙම ලක්ෂණය පිහිටියේය.

22. ගොපකුමතා

උපන් කෙනෙහි වස්සකුගේ බදු ඉතා ප්‍රසන්න ඇස් ගුලිය ඇති බවයි. යටට නොගිලී මතුවට නොඉලිප්පී ඇස් පිහිටි බවය. මෙය ඇත්තේ කාහටත් ප්‍රියමනාප වේ. ප්‍රිය වූ ඇසින් කා දෙසත් බැලූ නිසා මෙම ලක්ෂණය ඇති විය. 

23. උණ්හ සීසතා

නලල් පටින් වෙලන ලද වැන් පිරුණු නලල සහිත සම්පූර්ණ හිසක් ඇති බවය. මෙය ඇත්තේනම් බොහෝ දෙනාට අනුචරයෙක් වෙයි. පෙර භවයන්හිදී යහපත් ක්‍රියාවන්ට මූලිකව මහජනයා හැසිරවූ බැවින් මෙම ලක්ෂණය පිහිටියේය.

24. ඒකෙකලොමතා

එක රෝම කූපයක රෝම එක එකක්ම ඇති බවය. මෙය ඇත්තේ තමා අනූව යන මහ පිරිස් ඇත්තේ වෙයි. අසත්‍යෙයන් වැලකී සත්‍යවාදී වූ බැවින් මෙම ලක්ෂණය පිහිටා ඇත්තේය.
25. ඌර්ණරෝම ලක්ෂණය
දෙබෑම අතර නලල මැද දකුණට කැරකවී රිදී බුබුලක් සේ දිලිසෙන රෝමයක් ඇති බවය. මෙය ඇත්තා අනූව යන මහා පිරිසක් ඇත්තේය. අසත්‍යෙයන් වැලකීම හා සත්‍යවාදී වීම නිසා මෙය පිහිටියේය.

26. චත්තාලීස දන්තතා

එක් ඇන්දක දත් විස්ස බැගින් දත් හතලිහක් වන්නේය. මෙය ඇත්තේනම් කිසිවකු විසින් බිදලිය නොහැකි මහා පිරිස් ඇත්තේය. කේලම් කීමෙන් වැලකීම අසමගි වූවන් සමගි කිරීම නිසා මෙය පිහිටියේය.

27. අවිවර දන්තතා

විවර රහිත දත් ඇති බවය. දත් එකිනෙක උස් පහත් නොවී සමව පිහිටා ඇති බවය. කිසිවකු විසින් බිදලිය නොහැකි පිරිස් බල ඇත්තෙකු වේ. කේලම් කීමෙන් වැලකීම බිදුනවුන් සමගි කිරීම නිසා මෙම ලක්ෂණය පිහිටියේය.

28. ෂහුත ජිව්හතා

මෟදු දික් පලල් දිවක් ඇති බවය. කන්තල නලල්තල පිරිමැදිය හැකිය. මෙම ලක්ෂණය දරන්නේනම් ඉවතලිය නොහැකි වචන ඇත්තෙකු වේ. පරුෂවචනයෙන් වැලකීම ප්‍රිය වචන කීම මෙම ලක්ෂණය ඇති වීමට හේතු වේ.

29. බ්‍රහ්ම ස්වර්තා

බ්‍රහ්මයාට සමාන කටහඩක් ඇති බවය. පිත් සෙම් ආදියෙන් නොගැටුනු ස්වරය පැහැදිලිය. මිහිරිය. මෙය පිහිටියේ නම් ඉවතලිය නොහැකි වචන ඇත්තේය. පරුෂ වචනයෙන් වැලකීම ප්‍රිය වචනයෙන් කතා කිරීම මෙයට හේතු වේ.

30. සීහ හනුතා

සිංහයාගේ වැනි හනු ඇති බවය. උඩු යටි පිරිපුන් හනු පිහිටයි. මෙම ලක්ෂණය ඇත්තේනම් සතුරන් විසින් විනාශ කල නොහැකි වෙයි. පුලාප කතාවෙන් වැලකීම අර්ථවත් ධර්මාන්විත වචන කතා කිරීම මෙයට හේතු වේ.

31. සම දන්තතා

සම වූ දත් ඇති බවයි. මෙම ලක්ෂණය දරන්නේනම් පවිත්‍ර පිරිවර ඇත්තේ වෙයි. මිත්‍යා ජීවිකාවෙන් වැලකීම හේතුකොටගෙන මෙම ලක්ෂණය පිහිටියේය.

32. සුසුක්ඛ ද්‍රාඨතා

ඉතා සුදු දත් ඇති බවය. මෙම ලක්ෂණය දරන්නේනම් පවිත්‍ර පිරිවර ඇත්තේ වෙයි. මිත්‍යා ජීවයෙන් වැලකීම විපාක ලෙස මෙම ලක්ෂණය ඇතිවිය.

"බෝධිධර්ම" Founder of Martial Art !

අපි හැමෝම දන්න කුංෆු වගේ මාශල් ආට්ස් බිහිකරන්න සහ එය බිහිවුණු චීනයේ ශැවොලින් පන්සලේ නිර්මාතෲ විදිහට සැළකෙන ඉන්දියාවේ උපත ලද "බෝධිධර්ම" නම් දමිල හාමුදුරුනමක් ගැනයි මේ ත්‍රෙඩ් එකේ විස්තර වෙන්නෙ

ඉන්දියාවේ මදුරාසියෙ ප්‍රාදේශීය බෞද්ධ රජකුගෙ 3 වෙනි පුතෙක් විදිහට බෝධිතර කුමාරයා උපත ලබන්නෙ. අවුරුදු 7 දී බුදුදහම ගැන පැහැදෙන බෝධිතර කුමාරයා "බෝධිධර්ම" විදිහට ප්‍රජ්නාතර කියන ගුරුවයෙක් යටතේ ඉගෙනුම ලබනවා.
ප්‍රජ්නාතර මේ බෝධිධර්ම ගැන පූර්වනිමිත්තක් දකින්නෙ මේ කාලයේ. ඒ තමයි බෝධිධර්ම ඉන්දියාවට වඩා ලොකු සේවයක් චීනෙදි කරන්න සමත් වෙනවා කියන එක. ඒක ප්‍රජ්නාතර ගේ අන්තිම කැමත්තද වෙනවා.

ඉතිං තමන්ගෙ ගුරුවරයාගෙ මරණින් පස්සෙ අන්තිම කැමැත්ත පරිදි බෝධිධර්ම අවුරුදු ගණනකට පස්සෙ නොයෙක් දුශ්කරතා මැද්දෙ චීනෙට ලඟා වෙනවා.

චීනේ ඒ කාලෙ තිබුනෙ ආමිසපූජාවට නැඹුරු උන බෞද්ධ සමාජයක්. මේ වගේ තත්වෙකදී බෝධිධර්ම ඉතා නිර්භය ප්‍රාශයක් කරනවා. ඒ තමයි බෞද්ධ පොත් පත් කියන්නෙ කියන්නෙ මෙවලම් ටිකක් විතරයි සම්මාබෝධිය ලබා ගන්න නම් තමන්ම මහන්සි වෙන්න ඕනෙ කියන එක
මේ ප්‍රකාශය නිසා සමාජෙන් කොන් වෙන උන්වහන්සේ අවුරුදු 9ක් ගුහාවක් තුල කිසිඳු කතාවකින් තොරව භාවනා කරන්න පෙලඹෙනවා

මෙම කාලෙදි උන්වහන්සේව බැහැදකින්න එන හාමුදුනමක් උන්වහන්සේ ගැන පැහැදිලා තමන්ගෙ පන්සලට රැගෙන යනවා. මෙහිදී තමා බෝධිධර්ම තමන්ගේ භාවනා ක්‍රම එහි වාසය කරන හාමුදුරුවන් හට උගන්වන්නෙ

නමුත් දවස පුරා කිසිඳූ ව්‍යායාමයකින් තොරව ධර්මය ප්‍රගුන කරන තරබාරු හාමුදුවරුන්ට එම භාවනා ක්‍රම ප්‍රගුන කරන්න අවශ්‍ය ශාරීරික සෞඛය තිබුනෙ නෑ. මෙහි ප්‍රතිපලයක් විදිහට තමයි,
තමන් රජ කුමාරයෙක් විදිහට ඉගෙනගත්ත සටන් ක්‍රම හා වෛද්‍ය දැනුම ඇසුරෙන් ව්‍යායාම ක්‍රමයක් ශවොලින් පන්සලේ හාමුදුරුවන්ට බෝධිධර්ම විසින් දායාද කරන්නෙ.

මෙම ව්‍යායාම වලින් ශරීරයේ රතු ඇටමිදුලු පිරිසිදු වීම ලේ ගමනාගමනය වැඩි දියුණූ වීම සහ ශරීරයේ ප්‍රතිචක්‍රීකරන පද්ධතිය ශක්තිමත් වීම සිදුවෙනවා.

අතිදක්ශ සටන්කරුවෙක්ට අමතරව බෝධිධර්ම භික්ශුව අග්‍ර ගනයේ වෛද්‍යවරයෙක්ද වෙනවා. වරක් චීනයේ පැතිර ගිය වසංගත රෝගයක් උන්වහන්සේ විසින් සාර්ථකව ප්‍රතිකාර කර මැඩපැවැත්තුවා කියලත් මූලාශ වලින් කියවෙනවා

ඉතිං පසුකාලීනව මාශල් ආර්ට්ස්- කුංෆු බිහිවෙන්න පදනම හැදුනෙ මෙන්න මේ ඉන්දියාවෙ උපත ලද දමිළ භික්ශුව විසින්

---------------------------------------------------------

අමතර කරුණු : අවුරුදු 150 කට වැඩි කාලයක් ආයු වැලඳූවයි කියන උන් වහන්සේ තම අන්තිම කාලයෙ යළි ඉන්දියාවට යන්න තීරණය කළා. මෙය දැනගත්තු , උන්වහන්සේ වැඩහිටපු ගමෙ ගම්වාසීන් ,බෝධිධර්ම ගෙ සිරුර භූමදානය කර තමන්ගෙ ගමට වෙන විපත්ති වලින් ආරක්ශා කිරීමෙ අරමුණින් උන් වහන්සේට වස යෙදූ ආහර ලබාදුන් බවත්. ආහාර වලට වස කවා ඇති බව දැන දැනත් ගම්වාසීන්ගෙ ඉල්ලීමට එකඟව අහාර වලඳා අපවත් වූ බවත් මුලාශ්‍ර වැඩි දුරටත් කියනවා  

---------------------------------------------------------

පහසුවෙන් සිංහල ටයිප් කරමු !

කොහොමද ඉතින් යාලුවනේ........සෑහෙන්න කාලෙකින් තමයි මේ පැත්තේ එන්න උනේ..........අද මම ඔයගොල්ලන්ට කියන්න හදන්නේ සිංහලෙන් ටයිප් කරන ක්‍රමටික ගැන.........හැමවෙලේම අපේ යාලුවො අහනව කොහොමද සිංහලෙන් ටයිප් කරන්නේ කියල........ඉතින් මම හිතුව මම දන්න ඔක්කොම ක්‍රම ටික ලියන්න.......මේ ක්‍රම වලින් පහසු ක්‍රමයක් තෝරගන්න...........මෙතන ලියල තියෙන ක්‍රමවලට වඩා දෙයක් දන්නවනම් මතක ඇතුව ඒ ගැන කියන්න අමතක කරන්න එපා.............

ඔක්කෝන්ටම කලින්  මෙතනින් ගිහින් සිංහල අරගෙන ඉන්නකෝ........ඊට පස්සේ ඕක පරිඝනකයට ස්තාපනය කරගන්න.............ඔයගොල්ලන්ගේ මෙහෙයුම් පද්දතිය අනුව තෝරාගන්න..........

විජේසේකර යතුරුපුවරුව භාවිතයෙන් සිංහල ටයිප් කිරීම.

පලවෙනිම ක්‍රමේ තමයි අපි කලින් ලබාගත්ත මෘදුකාන්ගයෙන් ටයිප් කරන එක.........ඒකට ටාස්ක් බාර් එකේ තියෙන EN කියන අකුර උඩ ක්ලික් කරල SI බවට පරිවර්තනය කරගන්න.........ඊට පස්සේ තියෙන්නේ ටයිප් කරන්න තමයි..........මෙහෙම ටයිප් කරන්න ඉගෙන ගන්න එක ඉතාමත්ම වටිනවා........ඒත් මේක ටිකක් අපහසු වෙන්නේ මෙකෙන් සින්ග්ලිශ් ආකාරයට ටයිප් කරන්න බැරිවිමයි..........

Singlish මෘදුකාන්ගයෙන් සිංහල ටයිප් කිරීම.

දෙවැනි ක්‍රමේ විදියට මම තෝරාගත්තේ Singlish කියන මෘදුකාන්ගය.........මෙම මෘදුකාන්ගය විවෘත කරගත්තම පහත රූපේ ආකාරයට දිස්වෙයි........ඊට පස්සේ ඒ රූපේ තියෙන විදියටම ඔයගොල්ලන්ට සිංහලෙන් ගහන්න ඕනේ මොකද්ද කියන එක සින්ග්ලිශ් විදියට ගහන්නයි තියෙන්නේ..........

උදාහරනයක් විදියට අම්මා කියල ටයිප් කරන්න ඕනේ කියල හිතමුකෝ.........ඒක ගහන්න ඕනේ amma කියන අකුරු...........ඊට පස්සේ සිංහලෙන් වැදිච්ච ටික කොපි කරගෙන අවශ්‍ය ස්තානයට පේස්ට් කරගන්න පුලුවන්.........මෙම මෘදුකාන්ගය මෙතනින් බාගන්න...........

Google Transliteration මගින් සිංහල ටයිප් කිරීම.

මේ ක්‍රමෙත් පහසු ක්‍රමයක්........මේක මේ වෙබ්සයිට් එකට ගිහින් ටයිප් කරල කොපි පේස්ට් කරන්නත් පුලුවන්........එහෙම නැත්නම් එම මෘදුකාන්ගය භාවිතාකරල පහසුවෙන් ටයිප් කරන්නත් පුලුවන්..........මෘදුකාන්ගය මෙතනින් බාගන්න.........ඉන්ස්ටෝල් කරගත්තට පස්සේ ටාස්ක්බාර් එකේ තියෙන EN අකුර උඩ ක්ලික් කරල SI බවට පරිවර්තනය කරන්න........එවිට මෙම මෘදුකාන්ගයට අයත් කොටස දැකගත හැක.......එය අ බවට පරිවර්තනය කර ටයිප් කරන්න...........මෙහි ඇති අමතර වාසියක් වෙන්නේ ටයිප් කරන අකුරු වලින් හැදෙන වෙනත් වචනද පෙන්වීමයි..........මෙය මගින් වර්ඩ්, නෝට් පෑඩ් වලද පහසුවෙන් ටයිප් කරන්න පුලුවන්...........

RSinglish මගින් සිංහලෙන් ටයිප් කිරීම.

මේක තමයි දැනට ප්‍රසිද්දම මෘදුකාන්ගය.........මෙම මෘදුකාන්ගය මෙතනින් බාගත කරගන්න........ඉන්ස්ටෝල් කරගැනීමෙන් අනතුරුව Scroll Lock එක එඹීමේන් සිංහලෙන් ටයිප් කිරීම ඇරඹිය හැක...........මෙයත් සින්ග්ලිශ් ආකාරයෙන් ටයිප් කිරීමට හැකි නිසා සහ කොපි පේස්ට් කිරීමට අවශ්‍ය නොවන නිසා අමතර වාසියක්ද සැලසෙනවා.........ඊට අමතරව මෙමගින් වර්ඩ් වල උනත් එක එල්ලේ ටයිප් කර හැක.........

Addones මගින් සිංහල ටයිප් කරමු.

ඇඩොන් මගින් ටයිප් කිරීම තමයි මමත් භාවිතා කරන්නේ.........මේකත් සින්ග්ලිශ් ක්‍රමේට ටයිප් කරන ක්‍රමයක්.........ෆයර්ෆොස් පාවිච්චි කරන අයට සහ ක්‍රෝම් පාවිච්චි කරන අයන මේ සදහා අවශ්‍ය වන ඇඩෝන් ඉන්ස්ටෝල් කරගෙන පහසුවෙන්ම ටයිප් කර හැක..........මේකෙදි වෙන එකම පාඩුව තමයි අදාල වෙබ් බ්‍රව්සරේදී පමනක් සිංහල ටයිප් කර හැකිවීම..........අන්තර්ජාලයේදී ඉන්නකොට සිංහලෙන් ටයිප් කරන්න ඕන උනොත් කරන්න තියෙන හොදම ක්‍රමේ තමයි මෙම ඇඩෝන් ක්‍රමේ............

ෆයර්ෆොස් පාවිච්චි කරන අය මෙතනින් ගිහින් අදාල ගොනුව බාගත කරගෙන බ්‍රව්සරේට Drag & Drop කරන්න.........එවිට අදාල මෘදුකාන්ගය ඉන්ස්ටෝල් වේවි.........ඉන්පසුව බ්‍රව්සරය රීස්ටාර්ට් කිරීමේන් අනතුරුව ඇඩෝන් බාර් එකේ ඇති EN අකුර මත ක්ලික් කර සි බවට පරිවර්තනය කර සින්ග්ලිශ් ආකාරයට ටයිප් කර හැක............

ක්‍රෝමි පාවිච්චි කරන අය මෙතනින් ගිහින් එක ඉන්ස්ටෝල් කරගන්න.............

නොතේරෙන දෙයක් එහෙම තිබුනොත් අහන්න.........
එහෙනම් අපි කැපුනා...........
ඔබට ජය!!!!!!!!!!!!

ලාෆින් බුද්ධ සිනාසෙන්නේ ඔබටමය

සෑම කෙනෙක්ම ජීවිතයක් ගතකරමින් සිටී. ඒ එක දෙයක් සොයමිනි. කොහොමද දුක් පීඩාව අහක් කරන්නෙ. කොහොමද සංතෝෂය, පී්‍රතිය ඇතිව උපරිම සැප සම්පතින් යුත් දිවියක් ගෙවන්නෙ. මේ සඳහා මිනිසුන් කරන නොකරන දෙයක් නැත. කෙනෙක් දාබිඳු හෙළමින් අනන්ත කැපකිරීම් කොට ලබා ගන්නට වෙහෙසෙන දේ තවකෙක් වැඩිපුර නොවෙහෙසි ලබයි. කෙනෙක් මොන දේ කළ ද ප්‍රගතියක් නැත්තේය. එසේ නම් වැරදුණේ කොතැනද? මුදුනට ළඟා වීම පිනෙහිම ආදීනව නම් වැරදුණේ පව නිසාම ද? මේ පව්කාරකම්වලට කෙළවරක් නැද්ද? 

නිකවැරටිය 


කාලයක් නිකවැරටියට මිනිස්සු සුනාමියක් මෙන් ගහගෙන ගියෝය. බෝ ගසක උපන් රූප තමන්ගේ ඉහත බලාපොරොත්තු සියල්ල සඵල කරාවියැයි පව උරුම වූ සැම සිතූහ. එතෙක් පැවති දුක් ගොඩට සරලව බෝ ගහක් පිහිට වන්නේ නම් සරල නැඟීසිටීම යෙහෙකැයි සිතු සැම නිකවැරටි ගිය අතර ඉන්පසු ලද සුළු අස්වැසිල්ල හෝ එකී පිහිටෙන් ලැබුවායැයි අදහන්නටද සැදී පැහැදි සිිටියෝ ය. ඔවුහු අදටත් එහි අපුලක් නොදකිනවා විය හැකි ය.
කාලයත් සමග නිකවැරටි ගමන අබල දුබල විය. එහි තිබුණායැයි කී බලය අතුරුදන් විය. බලය වුව හැමදා නොරැඳෙන එකක් බව බෝ ගස වුව පසක් කළේ ය. එදා පොරකමින් බැලූ බෝගස අද කාක් බෝ ගසක් තරම් නොවටී. නිකවැරටිය මතකයක්ව ඉතිරිවද්දී එහි ගිය බහුතරයක් වූ ජනයාගේ ගැටලු ද නොවිසඳුම් ව බෝ ගස මෙන්ම අටුවම් බැස තිබුණි. 

දොළුකන්ද


අහවර නොවන බලාපොරොත්තු ඇතුලේ තමා එල්ලී සිටින අත්තක් ගිලිහුණද එයින් එතරම් කම්පා නොවන මිනිසුන් ඒ ක්ෂණිකයෙන් තවත් අත්තක් අල්ලා ගන්නේ නිමේෂයෙනි. එවන් අල්ල පනල්ලක දොළුකන්දේ ආශ්චර්යමත් භික්ෂුවක් පහළ වූහ. 
බලාපොරොත්තුවලින්ම දිවි ගෙවන මිනිසුන්ට තවත් බලාපොරොත්තුවක් දැල්වුණි. ජීවම් කළ පිරිත් නූලට මෙවර තම පැතුම් ඉටු කළ හැකි යැයි සිතූ මිනිසුන් වැල නොකැඩී දොළුකන්ද තරණය කළෝ ය. කාලයත් සමග දොළුකන්දේ ගුප්ත කමද පහව ගියේ දොළුකන්ද ප්‍රදේශයේද අලුත් ප්‍රශ්න නිර්මාණය කරමිනි. 
එකල දොළුකන්දෙන් අනන්ත ජීවයක් ලද්දායැයි විශ්වාස කළ වුන් එමට සිටියෝය. ඉහත ස්ථාන දෙකට නොගිය පිරිස් අතළොස්සක් සිටිය හැකි ය. නමුත් මේ තැන් දෙකටම ගිය එකම පිරිස නම් ඉහළ බව සහතිකය. එකල මේවාට විරුද්ධව කතා කිරීම පවා දෙවියන් නොව ඊට ඇලී ගැලී සිටිවුන්ගේ දෝෂයට ලක්විය හැකි සාපයකි. සාපයකි. 

රහස්

මැරෙන්න යන මිනිසා පිදුරු ගසෙත් එල්ලෙනවා යන්න අපේ පැරණි කියමනකි. සැබැවින්ම මිනිසුන් එලෙස කොතෙක් නම් පිදුරු ගස්වල එල්ලී ඇද්ද ඇතැම් විට ඒ පිදුරු ගස් තම දිවි රැක ගත්තායි විශ්වාසයේ ගිලෙනවුන් කොතෙක් වෙත් ද මේ අතරට පිවිස ඇති අලුත්ම පිදුරු ගස ෆෙංෂුයි රහස්ය. 
අපිද මීට පෙර නිකවැරටියට මෙන්ම දොළුකන්දට ගොස් ඇත්තෙමු. ඒ මෙහි වන්නේ අවුලක් බව කියන්නටය. 
රටේ ප්‍රසිද්ධ ෆෙංෂුයි ගුරුවරයා යැයි කියාගන්නා පුද්ගලයකුගේ ෆෙංෂුයි අලෙවි සැලට මම රිංගුවෙමි. මාස්ටර් එහි නොවීය. මාස්ටර් ආවට ගියාට හමුවිය නොහැකි බව මම දුරකථනයෙන් තහවුරු කොට ගෙන සිටියෙමි. අලෙවි සැලක් වුව මාගේ පැමිණීම ප්‍රශ්න කරන ස්වභාවයක් එහි විය. එය ඔවුන්ගේ වෙළඳ උපක්‍රමයක් බව මට වැටහුණි. ෆෙංෂුයි ගැන ආධුනිකයෙකු නම් ඔහු එයට අල්ලා ගැනීම ප්‍රශ්න කිරීමේ කලාව තුළ අරමුණය. ෆෙංෂුයි ගැන මඳක් විමසූ මම මේ රූප තබා ගැනීමෙන් නියම ප්‍රතිඵල ලබා ගත හැකිදැයි විමසුවෙමි. ඒ තුළම මා පිළිබිඹු කරන්නේ අවිශ්වාසය බවත් මුලින්ම ෆෙංෂුයි කෙරෙහි විශ්වාසය තබාගෙන කරන කියන දෑ ආරම්භ කළ යුතු බවත් එහි සිටි කාන්තාවක් මා දැනුවත් කළා ය. මා දෙස බලමින් මට සිනාසෙන තඩි බඩ ගෙඩිය ඇති ලාෆින් බුද්ධාගේ රූප එක එක ප්‍රමාණයෙනි. කොටින්ම හැම තැනමය. මටත් සිනා සී සිිටිය නොහැකි තරමට සිනහා පිරි මුහුණුය. ලාෆින් බුද්ධාගේ රූප සිල්ලර කඩවල මුදල් ගනුදෙනු කරන ලාච්චුව ආසන්නයේ ලැගුම් ගෙන සිටිනුයේ සිල්ලර කාසි උඩය. මේ රූපය එලෙස තබා නැති කඩ සොයා ගැනීම අපහසු තරම්ය. දියුණුයැයි සිතිය හැකි කඩයක සිට බුලත්විට කඩය දක්වා මේ ආකාරයට රූපය කෙරෙහි විශ්වාස කරති. මෙහි නියම පිළිවෙත විමසූ විට මාස්ටර්ගෙන් පුහුණුව ලද තරුණිය පැවසුවේ එහි ගුණ ලබන්නට නම් නියම ස්ථානයකින් එම රූපය ගත යුතු බවය. කොටින්ම තමන්ගේ වැනි ෆෙංෂුයි මධ්‍යස්ථානයකින්ම එම රූපය ගත යුතු බවය.